October 28, 2023: UN General Assembly resolution kuto para ekta humanitarian truce mangi taki shae Israel-Hamas majo deh, tateh India taikan laka vote abstain kuri shae. Hoile b India tho terrorism counter kuri bole committed ase aro Gaza deh civilians kan muru karne b jinta ase, manu kan kun etu matter deh familiar ase, taikan para Saturday din deh kui shae.
UN General Assembly para Friday din deh ekta landslide resolution adopt kuri shae Gaza Strip deh Israel aro Hamas majo deh “immediate, durable aro sustained humanitarian truce” karne. Un para :continuous, sufficient aro unhindered” provision b demand kuri shae lifesaving supplies aro services kan civilians keh dibo leh.
Etu non-biding resolution kuto Jordan para propose kuri shae, etu resolution tho member states laka large majority para adopt kuri shae. 120 votes kan etu laka favor kuri shae, 14 tho against taki shae aro 45 abstentions taki shae. Israel, US, Hungary aro alak pastha Pacific Island states kan resolution laka against vote kuri shae.
India laka vote explain kura time deh, deputy permanent representative, Yojna Patel para October 7 laka terror attack tho shocking taki shae kui shae aro hostages kan kuto Hamas para lui nah ase, etu kan phat release kuri b kui nah kui shae. Tai para Gaza deh causalities hui taka tho jinta ase kui shae aro humanitarian crisis tho address kuri bo lakeh kui shae.
“Mukan laka vote tho India laka steadfast aro consistent position kuto etu issue deh ase, etu para guide kuri shae,” tai para kui shae.
Patel para violence laka scale aro intensity kuto itia tak witness kuri shae, etu tho basic human values keh offend aro insult kureh kui shae. Violence para eku lamba solution laka rasta napa nai, tai kui shae.
Terror attack kuto Israel deh hui shae, etu describe kura time deh tai para India tho hostages kan phat release kuri b kui nah mati shae kui shae. “Terrorism tho ekta disease ase aro eku borders, nationality aro race kan najane. Dunia kan terror acts kan justify kuri bole bisrari bo nalageh. Mukan amikan laka differences kan side kuri nah terrorism laka against ekta zero-tolerance approach adopt kuri bole lakeh,” Patel para kui shae.
Add Comment