Zimbabwe, 7 February : India record 6 number bar U-19 Cricket World Cup title jitise, England ke 100 run pora haraikena U-19 World Cup 2026 laga final-te. Match-to Zimbabwe laga Harare-te kal raati khela hoise.
Toss jitisena batting lobole decide kori, India laga innings-to Vaibhav Suryavanshi laga dhamakedar, record-breaking performance pora aage barise. Tai matro 80 ball-te 175 run korise. Captain Ayush Mhatre important 53 run contribute korise, aru Abhigyan Kundu 40 run add kori, India ke 50 over-te 9 wicket lose kori 411 run laga dangor score pohonchai dise.
Vaibhav Suryavanshi ke Player of the Match aru Player of the Series duita award diya hoise. England phale pora James Minto 3 wicket loise, Sebastian Morgan aru Alex Green duijon-e 2-2 wicket loise, aru Manny Lumsden 1 wicket loise.
412 run laga target chase kori, England team 40.2 over-te 311 run-te all out hoise. England karone Caleb Falconer highest scorer 115 run korise, aru Ben Dawkins 66 run support dise. India laga bowlers khub bhal kaam korise — RS Ambrish 3 wicket loise, Deepesh Devendran aru Kanishk Chouhan duijon-e 2-2 wicket loise, aru Khilan Patel aru Ayush Mhatre 1-1 wicket loise.
Itu Ayush Mhatre leadership-te India karone ekta historic win, aru U-19 World Cup final-te run margin hisab-te itu sabse dangor jeet boni thakise.
President Droupadi Murmu, Vice President C P Radhakrishnan aru Prime Minister Narendra Modi Under-19 ICC Men’s World Cup 2026 jita karone Indian Cricket Team ke mubarakbad dise. Social media post-te President Murmu team ke record 6 number bar title jita aru pura tournament-te undefeated thaka karone praise korise. Tai koi dise ki team laga dominant performance desh ke gorbo anise aru talented young players karone bright future wish korise.
Vice President bhi team ke cup jita karone congratulate korise. Tai Vaibhav Suryavanshi laga World Cup Final-te record-breaking innings karone appreciation dise aru Captain Ayush Mhatre aru pura team ke itu proud moment karone bhal kamona dise.
Prime Minister Narendra Modi bhi Under-19 Indian Cricket Team ke World Cup jita karone best wishes dise. Tai players khan laga pura tournament-te exceptional skill showcase kora karone tarif korise aru koi dise ki itu jeet pora bohut young sportsperson inspire hobo.
Add Comment