New Delhi: US Secretary of State Antony Blinken toh India te tui(2) din nemite visit kora samai, Wednesday din civil society leaders logot lok korishe aro tai para koishe ke, tuita(2) nations pihtor te democratic values share kori ase. “ami besi kushi ase aji civil society leaders lok powa nemite. US & India toh democratic values share kori ase aro etu relationship & reflective India’s pluralistic society laga part ase aro etu harmony history ase. Etu Civil society laga motob para ase.” Koikena Blinken para koishe. Blinken toh office te aha beche India te 1st samai visit kora ase aro tai para Prime Minister Narendra Modi aro tai laga logot lok koriboli ase koishe. Top US diplomat toh Tuesday din India pongchise aro tai para issues alag-alag nemite kotha koriboli ase, etu samai Indian officials logot vaccine cooperation, Afghanistan aro Indo-Pacific region laga kotha koboli ase. Etu oper te US top diplomat para officials, US Mission in India laga staff khan ke be lok koriboli ase. Etu beche Blinken para EAM Jaishankar logot kotha kora beche, tai khan 2.30 pm te joint press conference thakiboli ase. Etu kam sob kotom howa beche US Secretary of State para Prime Minister Modi ke matibo koishe. State Department laga khobor hesab te, Blinken para Indo-Pacific engagement aro regional security interests share kora laga kotha koribo. Tai para aro Afghanistan te peace aro stability nemite Indian leaders logot kotha koribo. Jowa hafta state department official para koishe ke, “ami khan laga bilateral discussions toh Indian partners logot melikena security, defence, cyber, aro counterterrorism cooperation nemite saboli ase”. India aro US melikena COVID-19 logot larai koribo aro etu oper te Quad vaccine partnership President Biden’s Quad summit samai junaikena thaka nemite be kotha koboli ase.
India para US pithor te democratic kam share koribo
Add Comment