Cardiff, 9 June : India Women para West Indies ke 26 runs pora harai dise
Women’s Cricket te, India Women para UK laga Cardiff te ICC Women’s T20 World Cup age first warm-up match te West Indies ke 26 runs pora harai dise.
Batting koribole chance pai kena, Harmanpreet Kaur laga leadership te Women in Blue para 20 overs te 179/8 score korise.
India karne, Bharti Fulmali para unbeaten 56 runs matro 40 balls te korikena innings ke lead korise. Star batter Smriti Mandhana para bhi 39 runs contribute korise.
Reply te, West Indies para 20 overs te matro 153/8 score koribole parise.
Bowling te, India laga spinner Shreyanka Patil para 4 wickets loise, juntu somoy Radha Yadav para 3 wickets hasil korise.
India Women para etiya nijor next warm-up match te hosts England women’s cricket team logot kali khelibo.
Women in Blue para nijor T20 World Cup campaign Sunday te arch-rivals Pakistan women’s cricket team logot Edgbaston te suru koribo.
