India, 17 December : India November next year te World Boxing Cup Final host kuribo nimite ready hoi ase, aru itu breakaway World Boxing (WB) body ke support kuri thaka reaffirm kura ekta step ase.
Boxing Federation of India (BFI) itu event ke support kuribo nimite third World Boxing Congress bhi simultaneously host kuribo, juntu Presidency aru Executive Board laga elections include kuribo.
Itu tournament BFI laga nijo pora WB te join kura pichor prothom international event hobo. BFI last time international event host kura tu 2023 te IBA Women’s World Boxing Championship thakise.
Tournament laga exact date January te confirm hobo.
World Boxing Cup laga prothom event itu year te Brazil te March month te hobo, aru itu piche competitions Germany, Kazakhstan aru India te rakha hobo.
WB ekta breakaway international federation ase, juntu International Olympic Committee (IOC) pora recognition aru boxing laga Olympic roster te thakibo ensure kuribo nimite kaam kuri ase.
April last year te IBA laga status khotom hobo piche WB form kura hoi, aru WB laga members ahitu 60 pora exceed kuri se. IOC laga recognition upor te decision early next year te ani dibole ase.
Add Comment