Hong Kong, 6 December : India laga Hong Kong leg World Pickleball Championship te dangor performance di, total milaikeh 6 medals jitise—ekta gold, tinta silver aru duita bronze. Itu tournament November 29 pora December 1 tak cholise.
Vanshik Kapadia aru Vrushali Thakare laga juti 19+ open mixed doubles category te gold medal jitise.
Kuldip Mahajan aru South Korea laga Kim Eung Gwon milikeh 19+ open mixed doubles te silver medal jitise.
Vanshik Kapadia (19+ open men’s singles) aru Karina Aditya Dwipayani aru Vrushali Thakare (19+ open women’s doubles) bhi baki duita silver medal jitise.
India laga contingent duita bronze medal bhi anise. Isha Lakhani aru Roos Van Reek 19+ open women’s doubles category te podium te uthise aru ekta bronze medal anise.
Mayur Patil aru Neilson Chen laga juti 19+ open mixed doubles te aru ekta bronze medal anise.
Itu performance India laga November month te World Pickleball Championship laga India leg te bhi dangor performance te milaikeh thakise, juntu te 28 medals, 11 gold milaikeh jitise.
Add Comment