India pora 5th ODI jetise

Agencies, 1 November: Thursday din Greenfield International Stadium, Thiruvananthapuram jaga deh India pora West Indies logode haraide kena 5^th ODI jetise. India pora West Indies logode 9 wicket pora jeta thakise. Etu pora India toh ODI deh 3-1 pora jeti kena ase. Target 105 deh kethai thaga, India laga Shikhar Dhawan toh suru inning time deh lost hoi kena suru howah thakise. Hoilebe captain Virat Kohli aro opener Rohit Sharma meli kena 99-runs bona karni target toh 14.5 overs deh ponjibole para thakise. Rohit pora be tai laga 37th half century mara thakise aro bachi thaga runs toh Kohli pora out nahoi kena 33 runs mara thakise. Toss jeta bechide West Indies pora bat first juna thakise. Hoilebe tai khan laga khelari ke Indian pacers Bhuvneshwar Kumar aro Jasprit Bumrah pora suru innings time deh out kora thakise. Etu pora be first over time deh wicket lowah thakise. 34-runs partnership mara bechide West Indies laga third wicket Samuels  logode toh Ravindra Jadeja pora 12^th over deh out kora thakise. Samuels out howah bechide West Indies laga wicket khan toh lost hoi thaga thakise. West Indies nemide sobse besi 25 run toh Jason Holder pora 33 deliveries deh marise. West Indies innings toh 31.5 Overs deh 105 runs pora sob out howah thakise. India nemide sobse phal bowler toh Ravindra Jadeja thakise. Tai pora 9.5 overs deh 4 wicket loi kena ase. . Left-arm seamer K Khaleel Ahmed aro Bumrah pora be tuita-tuita wicket loise.