India te 26,964 notun COVID-19 cases thurishe

New Delhi: India te aro 26,964 notun coronavirus bemar thurishe, etu melaikena COVID-19 cases toh 3,35,31,498 te othikena ase aro etu samai active cases toh 3,01,989 ase, etu 186 din pithor te sobse komti wala ase, koikena Wednesday din te Union Health Ministry data updated hesab te khobor toh janaishe. Virus bemar para 383 notun mora melaikena itya 4,45,768 morikena ase, etu khobor toh 8 am samai dak te janaishe. India te COVID-19 total active cases toh itya 3,61,340, te lamikena ase aro etu 151 din pithor te sobse komti wala ase koikena ministry laga data hesab te janaishe. India te itya sob melaikena 4,33,964 manuh morikena ase. India te COVID bemari para 1^st manuh mora toh March 2020 saal te thakishe. Indian Council of Medical Research (ICMR) hesab te August 20 darik dak te 50,45,76,158 COVID-19 samples tested korikena ase, etu pithor te Friday din te 17,21,205 samples tested loishe. Thursday din, Union Health Minister Mansukh Mandaviya para koishe ke, itya bacha nemite Covid-19 vaccines toh aha moina te ahibo aro antidote toh besi joldi olaboli ase”. Tai para aro koishe ke, Centre para manuh sob ke coronavirus kelaaf te vaccine thiboli kam kori ase. Thursday din Kerala te 21,116 notun COVID-19 cases thurishe, etu melaikena state te 37,46,121 cases hoikena ase aro bemari para manuh mora toh 197 melaikena 19,246 hoikena ase. Jowa 24 gonda pithor te 1,30,768 samples tested loishe aro 16.15 per cent toh TPR thakishe. Itya dak te 2.99 crore samples tested korikena ase. Districts pithor te Thrissur te 2873 cases, Malappuram te 2824 cases, Ernakulam te 2527 cases, Kozhikode te 2401 cases, Palakkad te 1948 cases , Kollam te 1418 cases, Kannur te 1370 cases , Alappuzha te 1319 cases , Thiruvananthapuram te 955 cases aro Kottayam te 925 cases ase.