NEW DELHI, november 24 : Maldives laga Foreign Minister Abdulla Shahid agi India te ahishe. Tai India te 4 days nimite ahishe. Tai India te bilateral ties wapas banabole ahishe. Etu rishta toh Island laga poila government niche te bishi dikdar te ahishe. Officials koise Monday te External Affairs Minister Sushma Swaraj toh Mr Shahid logote ekdam bhal para khota koribo koishe.
November 17 te Prime Minister Narendra Modi Maldivian President Ibrahim Mohamed Solih laga swearing-in ceremony Male te attend korishe. Tai khan laga meeting te PM Modi aro Mohamed Solih 2 countries laga rishta aro Indian Ocean region security bhal koribole saki(promise) korishe.
Mohamed Solih, toh Maldivian Democratic Party’s laga opposition candidate ase. Tai Abdulla Yameen ke juwa presidential election September 23 te harai dishe.
India-Maldives laga rishta toh Abdulla Yameen niche te dikdar te ahishe. Abdulla Yameen toh China logote close ase. Abdulla Yameen para bana decisions toh Indian opor te work visa restriction kora aro Beijing logote Free Trade Agreement kora ase.
India aro Maldives bhitor te rishta aro bhi biya hoishe kitya Abdulla Yameen emergency impose korishe etu saal February 5 te.
Add Comment