AUGUST 08,2020: Ministry of Health and Family Welfare para Saturday te koishe komti hoilebi sob milaikena last 24 hours te 61,537 manu COVID-19 test positive paishe.
India te aro bi 24 hours te 933 manu murishe.etia desh toh third wala sobse biya desh ase komti hoilebi sob milaikena 20,88,611 cases olaishe.
Ministry para koishe etia tak etu beemar para 14,27,005 manu bhal hoishe.aro 24 hours te 48900 manu khan alag alag hospital aro quarantine centres para bhal hoishe.
Aro recovery rate toh 67.98 per cent hoishe.aro covid-19 para manu mura laga toll toh 42,518 te ase.
Maharashtra, Tamil Nadu, Andhra Pradesh, Karnataka, Delhi and Uttar Pradesh te bishi wala cases olaishe aro etu khan sob toh 1 lakh paar kurishe.
Government khan para last 24 hours te 5,98,778 tests loishe.August 7 te cumulative samples test kura toh 2,33,87,171 ase.
Etia tak sob milaikena operational laboratories Indian Council of Medical Research te 1396 ase.
Komti hoilebi 936 government laboratories ase aro 460 private laboratories ase.etu 1396 laboratories te real-time RT PCR COVID-19 nimete 711 laboratories te loi ase.
Add Comment