New Delhi: Union Health Ministry para koishe ke, itya dak India te 72 crore COVID-19 vaccine doses thikena ase aro Thursday din te 73 lakh (73,80,510) vaccine doses neshina 7 pm dak te thishe. Hotai din laga vaccine report toh rathi dak te aro othiboli ase koishe. Ministry laga data hesab te, 54,58,47,706 beneficiaries khan ke first dose toh thikena ase aro 16,94,06,447 beneficiaries khan ke second dose vaccine thiboli ase, koikena khobor toh 7 pm dak te paishe. Sob melaikena 18 para loikena 44 umer group toh 28,57,04,140 manuh ke states aro union territories te first dose vaccine thikena ase, etu oper te 3,85,99,523 beneficiaries ke second dose toh phase-3 vaccination drive hoikena dak te thishe. India desh pura te vaccination drive toh January 16 darik te soruh hoishe aro etu samai healthcare workers (HCWs) khan ke first phase te vaccine loikena ase. Frontline workers (FLWs) khan ke COVID-19 vaccination toh February 2 darik te soruh hoishe. Etu beche te next phase COVID-19 vaccination toh March 1 darik te soruh hoikena 60 umer oper aro 45 umer para loikena co-morbid halat te thakai khan ke vaccine doses toh thishe. India te 45 umer oper manuh ka vaccination toh April 1 darik te soruh hoishe. Etu beche government para vaccination drive toh 18 umer manuh khan ke May 1 darik para vaccine deya soruh hoishe.
Add Comment