June 13, 2021. Saturday din Indian Medical Association (IMA) para koishe ke, desh te Covid-19 bemari second wave samai sob melaikena 719 doctors laga jevan jaikena ase. Bihar te sobse besi111 doctors morishe aro etu beche Delhi te 109 Covid-19 bemar para morikena ase. Northeastern state pithor te, Assam 8 jun aro Manipur te 5 jun doctors morishe, koikena IMA para janaishe. Tripura state te Covid-19 bemara samai 2 jun doctors morishe. Etu samai India te 24 gonda pithor 84,332 notun caes aro 4,002 mora khobor paishe. 70 din majot te 1 din pithor laga sobse komti cases ase, koikena Union ministry of health & family welfare data hesab te janaishe. India te itya dak bemari cases toh 2,93,59,155 hoikena ase aro3,67,081 manuh morikena ase. 5 desh sobse besi cases thaka toh Tamil Nadu te 15,759 cases, etu beche Kerala te 14,233 cases, Maharashtra te 11,766 cases, Karnataka te 8,249 cases aro Andhra Pradesh te 8,239 cases ase. 24 gonda pithor te sob melaikena 21,311 bemar bhal hoishe aro itya India laga recovery rate toh 95.07% te ase koishe. India te Covid-19 bemar bhal hoikena thaka toh 2,79,11,384 ase. India laga desh pura te 24 gonda pithor te 19,20,477 tests loikena ase etu oper te 37,62,32,162 samples tested korikena ase. India te 24 gonda pithor 34,33,763 vaccine doses thikena ase koishe.
India te Covid bemar para 719 doctors morikena ase
Add Comment