Agencies, 20 September: India te first time ek din te COVID19 nemide test kora te 12 lakh par hoise. Sunday din Union health ministry koise, last 24 khonda te 12,06,806 tests lowa logode sob melikena tests toh 6.36 crore (6,36,61,060) par hoise.
Etu gara testing lobole para toh desh te COVID19 testing infrastructure otha nemide ase koise.
Ministry para statement deya te koise, April 8 te 10,000 tests per day lowa para etya daily average toh 12 lakhs par hoise.
Ministry para testing besi otha nemide positive cases te joldi jabole parishe aro thek samai aro phal para treatment koribole parishe koise. Etu karni para mora rate be komti hoise koise.
Statement te koise, “Saboot dekhaideya hisaab te, besi testing lowa nemide positivity rate komti howa result hoise. Daily positivity rate te nama nemide infection phela laga rate nama te control howa be dekhaishe”.
India laga daily testing numbers toh duniya te ekts sobse besi ase.
Add Comment