New Delhi, 12 July 2025: Prime Minister Narendra Modi koishe ki India te inequality dangor speed te komti hoi ase. Rozgar Mela program te kotha koi thaka time te tai World Bank aru International Labour Organisation (ILO) report refer kori kina koishe ki India ekta beshi equal society bonai jai ase.
Program te, PM Modi 51,000 jon logote government job laka appointment letter dishe. Ekhon job drive te Indian Railways sobse beshi post fill kurishe, juntu 40,000 upor ase. PM Modi koishe ki olop olop pora aru besi manuh poverty pora uthibole paribo, aru 10 sal te 900 million manuh government laka welfare scheme benefit luishe.
Tai India laka “two unlimited strengths” — democratic power aru young population ke mention kurishe. Modi koishe ki bahar country visit kori thaka time te, India laka young workforce ke bishi bhal comment di kina dekhaishe. Tai Drone Didi, Lakhpati Didi aru PM Surya Ghar Yojana nishina schemes beshi important ase koishe, juntu youth aru women ke empower koribo.
Defence aru manufacturing sector laka progress upor te PM Modi koishe ki Operation Sindoor piche te defence production ₹1.25 lakh crore reach kori luishe. Tech, electronics aru transport sector bhal perform kori ase.
Last te, PM Modi koishe ki job create kora aru social-support programme pora India ekta inclusive aru equal society bonai ja ase.
Add Comment