New Delhi: India te sob melaikena COVID-19 vaccine doses thikena thaka toh 82 crore-mark pongchise, koikena Union Health Ministry para 7 pm provisional report dak te janaishe, etu oper te aro 68 lahk (68,26,132) vaccine doses neshina Tuesday din te thishe. Melaikena 18-44 umer dak 33,43,93,211 manuh ke 1st dose thikena ase aro 6,46,03,335 ke 2nd dose toh phase-3 vaccination drive soruh howa beche thikena ase. Etu vaccination exercise kora nemite desh te COVID-19 halat toh hotai din sai ase aro etu hesab te kam kori thaki ase, ministry para aro koishe. Desh pura te vaccination drive toh January 16 darik para healthcare workers (HCWs) khan ke 1st phase te vaccine toh thishe. Frontline workers (FLWs) ke vaccination toh February 2 darik te soruh hoishe aro etu beche COVID-19 vaccination next phase toh March 1 darik te 60 umer aro 45 umer logot deya soruh hoishe. India te 45 umer aro etu oper manu ke vaccine deya soruh kora toh April 1 darik para soruh hoishe. Government para etu beche vaccination drive toh 18 umer logot May 1 darik para deya soruh hoishe.
Add Comment