India te junkul laka ki conditions ase?

Sob jakha te saile India te boile samoi te beshi madi toh junkul bara he bhorta thakeshe. Aji kali laka samoi te development aro advancement beshi ahia karne manu khan bara nejor laka benefits karne junkul khali miri di kina madi, khor aro dangor commercials khan karne  junkul te khas khan sob kadi kina khali kuri diya beshi cases ase. India te beshi states te amekhan dekhe baishe beshi jakha te junkul he beshi thakishe aro edia toh komdi wala hoishe. Northeast te saile edia te 1,020 sq km komdi wala thakeshe 2021 laka survey te , aro edu beshi bak te anthropogenic pressure aro development activities karne ase,eneka government bara Rajya Sabha ke koishe. Arunachal Pradesh ekela de 257 sq km forest cover komdi hoishe aro Manipur te 249 sq km forest area harai she aro Nagaland te 235 sq km forest cover harai she. Edi junkul laka problems khan huni kina  Minister of State for Environment Ashwini Choubey bara koishe ki 2021 tak laka India State of Forest Report (ISFR) laka hisab te rejoins te junkul toh 1,69,521 sq km aro tree cover toh 4,574 sq km thakeshe koishe. Minister bara koishe edia toh forest cover toh 1,020 sq km bara komdi hoishe 2019 laka hisab te saile .Aro tree cover toh 365 sq km bara beshi wala hoishe 2021 te twi sal te he koishe. “Northeast regions khan tee man junkul khan te effect hua aro komdi hui ja laka beshi reasons ase, kunba toh natural calamities, antropogenic pressure  ,developmental activities aro shifting cultivation  edu khan sob waja bara hoi,” eneka Mr Choubey bara koishe. Aro alaka states Arunachal Pradesh , Mizoram te 186 sq km forest madi aro, Assam te 15 sq km , aro Tripura te 4 sq km aro Sikkim te 1 sq km junkul madi hareshe. Edu neshina problems khan ke solve kurebole beshi organizations aro programmes khan olai kina ase. National Afforestation Programme(NAP) aro Green India Mission (GIM) neshina mission khan environment ministry bara implement kure kina ase. Climate change laka National Action plan te GIM toh eight missions laka under te ekta mission ase. Edu te India laka forest cover ke restore kurebole, aro protect kurebole aim kure aro madi khan ke plantation khan kurebole aim kura laka ase. Amekhan kali missions khan aro government khan laka action plans khan laka te he hisab nakuri kina nejor bara responsibility loi kina edu problem ke solve kurebole kosish kurebole lakae. Schoola khan te bhi batcha khan ke khas lakabole aro khas bara climate te kima bahal kurebole ase edu bhi sheka bole lakae. Students khan ke hotai sal sob students khan ke project works aro assignments khan te khas lakabole dile kima bahal hobo na aro edu bara beshi changes anebole barebo. Kindu ekta school te kiman batcha thakibo eman khas amekhan laka duniya te add kurele kiman beshi bahal changes anebo, kali climate te nahoi amekhan nejor karne bhi beshi bahal hobole ase. Kindu khas kima thakibo eman carbon dioxide komdi hobo aro bahal oxygen lobole baribo aro health te beshi bahal lab hobo. Edu bara baria tak students khan aro society te bhi nejor laka khor te nahoile kude khali jakha ase edu khan sob te baria tak khas lakabole suggest kurebe aro ekjun, ekjun ke motivate kuri kina initiate loi kina edu duniya laka climate change ke batchabi aro eneka kurele amekhan bhi  National Action Plan laka missions ke mutut kurebole baribole ase.