New Delhi, 03 May 2025: India Meteorological Department (IMD) etu janai dishe ki India laga weather, especially northwest, east aru central India te, May 6 tak turbulent weather choli thakibo. IMD report hisap te, lightning, hailstorm, dust storm aru zor hawa (gusty winds) dekha jabole ase, karon alag-alag weather system ek sat kaam kori nimete ase.
Friday din Delhi-NCR milai, dangor area te biya weather dekhai dishe. Ekta western disturbance (WD) mid-level atmosphere te South Punjab upar active ase. Dusra upper air cyclonic circulation southwest Rajasthan laka lower level te ase, aru ekta cyclonic system northeast Rajasthan aru northwest Madhya Pradesh area upar dekhai dishe. Arabian Sea aru Bay of Bengal pora moist hawa ahi ase, juntu thunderstorm bonai ase. Last week te extreme heat thaka karone atmosphere te instability ahi jaishe, juntu etu sab ke trigger kuri dishe.
IMD Director General Mrutyunjay Mohapatra koi she ki northeast aru east India te next 5 din tak thunderstorm hobo, aru south India te bhi pre-monsoon activity dekhi jabo. May 4 pora aro next western disturbance northwest India ke effect kuribole ase.
Bihar, Jharkhand, Odisha, West Bengal, Sikkim, Madhya Pradesh, Vidarbha aru Chhattisgarh te light/moderate pani giribo, thunderstorm, bijli aru 60 kmph hawa hobo.
Delhi, Rajasthan, Punjab, Haryana, Uttar Pradesh te 70 kmph tak thundersqualls aru Rajasthan te dust storm hobo pare.
IMD yellow alert northwest India karone aru orange alert east aru central India karone issue kuri dishe. Local authority khan ke tayar thakibo laga koi dishe.
Add Comment