Agencies, 06 April: Mumbai te besi transmissible notun Covid variant Omicron XE laga first case paise. Virus te confirm kroa toh 11th test laga results bechite thakise.
Greater Mumbai Municipal Corporation para ekta patient ke ‘XE’ variant para affected paise aro tusara khan Covid-19 laga ‘Kapa’ variant para affected paise koise.
Official para Kappa variant laga ekta case powa thakise koise aro results toh 376 samples laga genome sequencing, genome sequencing lab te 11th bath of testing te paise koise.
Mumbai para 230 samples laga te, 228 samples toh Omicron variant laga ase koise aro ekta toh Kappa variant aro tusara toh XE variant paise koise. Virus laga notun strains thura patients laga halat toh serious thaka nai koise.
Official para XE mutant toh BA.2 sub-variant of Omicron para 10 percent besi transmissible olaise koise. Etiya tak, BA.2 toh sob Covid-19 variants majote besi transmissible bhabona ase koise.
XE variant toh BA.1 aro BA.2 Omicron strains laga ekta mutation ase koise aro ekta “recombinant” hisab te refer korise koise. Suru studies hisab te, XE variant toh BA.2 para 9.8 percent growth rate ase koise. World Health Organization para sobse notun mutant toh agae laga para be besi transmissile hobo pari koise.
Add Comment