Agencies, 14 August: Friday te Defending champions Spain, England aro Germany ke toh FIFA U-17 Women’s World Cup nemide naam korise. Etu World Cup toh aha sal India te khelibole ase. Etu toh tai kha laga rankings hisaab te ase. Etu agae te European qualifying tournament toh COVID-19 pandemic nemide cancel kora thakise.
Local Organising Committee (LOC) para media te koise, European governing body UEFA confirm korise England, Germany aro Spain toh Europe nemide ahibole laga FIFA U-17 Women’s World Cup India 2021 te represent koribole.
Etu tinta desh ke juna toh pandemic nemide UEFA U-17 Women’s Championship cancel kora bechide ase.
Statement te koise, UEFA U-17 Women’s Championship laga final round toh aji kali COVID-19 pandemic thaki thaka nemide cancel korise. Tinta teams logode besi ranking thaka para World Cup te hesha lobole confirm korise.
Spain, England aro Germany be etiya hosts India, North Korea, Japan aro New Zealand logode join koribo. Tai khan toh tournament nemide qualified howa be hoi kena ase.
Span para 2018 edition laga tournament toh final te Mexico ke 2-1 para jeta bechide jeta thakise. Etu final match toh Uruguay te khela thakise.
Tournament toh etu sal October-November te lobole thaka ase hoilebe COVID-19 pandemic nemide aha sal February 17 para March 7 tak lobo nemide deri kori deshe. Final toh D Y Patil stadium, Navi Mumbai te khela thakibo.
Add Comment