India, 10 May 2025: New Delhi aru Islamabad majote tension utha karone, Indian military establishment dangor scale te additional forces mobilise kura suru kurise border te, juntu reserve Territorial Army (TA) bhi include kurise, jate emergency situation te full strength thakibo pare.
Friday te Ministry of Defence ekta notification diya te janai dise ke 32 infantry battalions laga majote 14 battalions of Territorial Army ke activate kura hoise deployment karone, pura desh te, February 2028 tak.
Etu step to ekta important move hisap te consider kura ase, juntu additional troops reinforcement karone ase operational preparedness barha bole. Etu type laga situation te, TA personnel regular forces ke help kuribo static duty perform kuribole, essential services maintain kuribo, internal security duty dibo, civil authorities ke help kuribo, aru stores aru equipment transport karone escort dibo.
Government laga notification te Territorial Army Rule 1948 laga Rule 33 use kurikena, Army Chief ke power dise jate TA laga sob officer aru personnel khan ke call up kuribole pare guard duty, support, aru regular forces ke supplement kuribo karone.
Ekta regular TA battalion te roughly 750 personnel thake. Etu khan part time volunteer ase, juntu requirement ahija time te regular Army ke support kure. Normal situation te, kunba manu he active duty te thake, aru baki manuh khan dusra profession te kaam kuri thake.
Sources para janai dise ke border laga important jagah khan te troops reinforcement already past weeks te hoise, aru bishi battalions mobilise kuribo karone ready ase. Etu troops khan karone additional transport arrangements bhi organise kura jabo.
Sources janai dise ki armed forces te officers aru personnel laga leave bhi kom kuri dise, jodi hoile bhi, leave te thaka khan karone recall notice etya tak diya nai. Army personnel ke strictly instruct kura ase ki leave te jabo lagile, only exceptional case te he jabole dibo. Bisi te, military laga sob short-term course khan etya hold te rakha hoise.
Add Comment