Gwangju, 26 September : India Gwangju, South Korea te Para Archery World Championships te at least tinita medal confirm kori loise, karon itihaas te prothom bar tinita Indian player compound open category te gold medal karone khelibo.
Ekta dangor achievement hisab te, Paralympic bronze medallist Rakesh Kumar aru international newcomer Toman Kumar duijon bhi men’s compound open individual event laga gold medal match te reach kori loise. Rakesh, juntu 7th seed ase, Great Britain laga 3rd seed Nathan Macqueen ke 147-143 pora haraisi. Aru dusra semifinal te, Toman laga match fellow Indian Shyam Sunder Swami logot dangor fight hoi thakise, juntu te Toman 144-143 pora jiti loise.
Teenage sensation Sheetal Devi bhi ajike women’s compound final te reach kori loise. 18 saal laga Sheetal Great Britain laga Jodie Grinham ke 145-140 pora semifinal te haraikena women’s compound final te spot confirm kori loise. Final match te Sheetal world no. 1 Oznur Cure Girdi (Turkiye) logot title clash khelibo. Final Saturday din schedule kori ase.
Add Comment