December 19, 2025: India global laga top ranking ase sports khan te dawai cholai kena cheating kurei, tin sal karne India top te thakei ase, World Anit Doping Agency (WADA) para koishe.
International watchdog laga annual report te koishe ki India National Anti- Doping Agency (NADA) para 7,113 pesab aro khun laga samples loishe, aro 7,113 laga betor te 260 toh positive thakeshe 2024 te.
Etu news toh India karne bei ase kintu tai khan 2030 Commonwealth Games toh host kurebole ase, aro etu event toh tai khan karne steeping stone ase 2036 Olympics toh host kurebo karne.
Athletics te 76 manu positive thakeshe doping karne ja sal. Tai khan sobse beshe thakeshe. Aro Etu piche te weightlifting thake she, 43 manu positive thakeshe dawai chola toh. Aro etu piche te wrestling, etu te 29 manu positive thakeshe.
July te, Paris Olympic te, under- 23 wrestling champion te, Reetika Hooda quarter finalist te punchei piche tai dawai chola positive aheshe aro tai ke suspend kure deshe.
India University games te, kumba report paishe ki ekta athlete khanle aheshe track aro fielf events te, alak khan toh anti-doping officials khan dekhe kena polai jai she koishe. 2022 aro 2023 te be India top te thakeshe dawai chola laga mamla te.
Add Comment