Taqjikistan, 19 September : India latest FIFA ranking te ekta spot nichi girise 134 number te ahi jabo, Thursday te announce kora result te, hoilebi Taqjikistan te CAFA Nations Cup te bhal performance dikhai thaka karon.
Khalid Jamil laga Blue Tigers itu mahina surute play-off game te Oman ke penalties pora harai, eight-nation tournament te third place finish kori loise.
European Champion Spain dangor performance pora 11 saal pora prothom time No. 1 spot reclaim kori loise. Luis de la Fuente laga team ekhon 27-match unbeaten run te ase—itu hoise Spain laga history te second-longest run. Itu karone Spain 23 March 2023 pora official match ekta bhi hara nai.
Spain Argentina ke displacement kori loise, aru Argentina ranking te third position te giri jabo, France pichite.
Add Comment