Brazil, 6 September : India khan 17th World Wushu Championship Brazil te ekta impressive performance dikhai dise, juntu te dangor group athletes khan bhal progress kuri ase. Tinita mahila finals te pounchi ase, aru duita mishi lora knockout stages te jaga lobo paise, India laga sport te barhi thaka taakat showcase kuri dise.
Mahila laga events te, Aparna Indonesia laga Tharisa Dea Florientina ke 52 kg category te harai finals te Vietnam laga Ngo Thi Bhuong Nga logot samna kuri bole jaga paise. Kareena Kaushik skill aru taakat dikhai, Brazil laga Nathalia Briquesi Silva ke 60 kg semifinals te harai, aru championship title karone China laga Xiaowei Wu logot face kuri bole paise.
Men’s competition te, Sagar Dahiya Philippines laga Carlos Baylon Jr logot 56 kg semifinals te kheli bole ase, aru Vikrant Baliyan nijor quarterfinal match para China laga Gensheng Jin upor te advance kuri bole try kuri ase.
Add Comment