Bengaluru, 9 February : Tennis te, India kal Bengaluru te World Number 6 Netherlands laga khilaf 3 2 historic win loi Davis Cup Qualifiers laga second round te pohonchi paise. Dhakshineswar Suresh dangor heroic performance dise, tai duita singles match jiti paise aru Yuki Bhambri laga logot doubles jiti paise.
Deciding rubber te, Suresh Guy de Ouden ke 6 4, 7 6 loi harai victory seal korise, aru itu celebration 2004 te Leander Paes laga heroics logot mili thaka nisina lagise. Age, Suresh aru Bhambri marathon doubles match 7 6, 3 6, 7 6 loi jita pichete, India 2 1 lead loi thaka ase. Kintu Sumit Nagal itu duita singles match haarise.
2019 te new Davis Cup format launch hoa pichete, itu prothom bar India Qualifiers laga second round te ahibo paise, aru title laga fight kora elite eight team Finals logot ekta step ahise. Davis Cup 2026 Qualifiers laga second round te India South Korea laga khilaf khelibo, jun September te hold hobo.
Add Comment