Mumbai, 31 October : ICC Women’s ODI World Cup te India jaa kali raati Dr. D. Y. Patil Sports Academy, Navi Mumbai te Australia ke 5 wicket te harai kene final te punchi jaise.
Australia laga 339 run target chase kori kene, India 9 ball baki thaka te 5 wicket bachi kene target pura kori loise. Jemimah Rodrigues laga dazzling unbeaten 127 run (134 ball te) aru captain Harmanpreet Kaur laga 89 run (88 ball te) India ke itu dangor total chase koribo te madad korise. Shree Charani aru Deepti Sharma India te 2 wicket kori loise.
Taikhan logot Australia agey batting loi kene 49.5 over te 338 run te all out hoise. Phoebe Litchfield 119 run kori dise, aru Kim Garth aru Annabel Sutherland Australia te 2 wicket kori loise.
Jemimah Rodrigues ke Player of the Match declare korise. India etiya final match te South Africa logot face koribo Dr. D. Y. Patil Sports Academy, Navi Mumbai te Sunday din te. South Africa agey Guwahati te England ke 125 run te harai kene final te punchi thakise.
Add Comment