Guwahati, 10 October : Badminton te, India Korea ke harai dise quarter-finals te BWF World Junior Mixed Team Championships te, juntu National Centre of Excellence, Guwahati, Assam te kali din hoi thakise.
Itihaas te etu dangor jeet piche India confirm kori loise taikhan laga first mixed-team medal, itu competition laga itihas te. Agey set hara piche, India comeback korina Korea ke 44-45, 45-30, 45-33 score te harai loise aru semi-finals te entry marise. India laga jeet te star thakise Unnati Hooda, juntu last moment te crucial points jeetina India ke semi te lobo dikhai dise.
Semi-final te, India samna koribo defending champions Indonesia logot Guwahati te aji afternoon te. Match 1 baje shuru hoise . Tai piche aru ekta semifinal clash hoise China aru Japan majot, 4 baje para, eki jagate.
Add Comment