Guwahati, 8 October : BWF World Junior Mixed Team Championships 2025 te, India laga badminton team Sri Lanka ke 45-27, 45-21 te harai dise Group H laga match te, aru unbeaten thaki ase National Centre of Excellence, Guwahati te kali din te. Lalthazuala Hmar team ke dangor shuru dise, Keneth Aruggoda ke 9-2 te harai loina boys’ singles te. Itu pichete Bhavya Chhabra aru Mithileish P Krishnan India laga lead ke 18-6 tak barai dise boys’ doubles te, juntu Sanuda Ariyasinghe aru Thisath Rupathunga laga bheej te khelise.
Girls’ singles badminton te, Rakshitha Sree 3-8 te piche para thaki ase Ranithma Liyanage laga bheej te. C Lalramsanga aru Taarini Suri mixed doubles te Aruggoda aru Liyanage ke 9-6 te harai loise opening set 45-27 te India laga jeet confirm korise. India etiya knockout stage te jabo lagi ase Group H laga topper hisab te, aru ekta group match baki ase juntu United Arab Emirates laga bheej te aji din khelibo.
Add Comment