India, 15 Oct 2024: India Tuesday din te US khan lokot 4billion deal sign kurishey. 31 predator long-endurance drones kinishey Indian defence forces khan nimite. Etu pra military combat taqat uthaibo China khan lokot border te thake time te.
New Delhi khan American defence major, General Atomics khan lokot pra Predator drones kinishey, government-to-government la framework under te. Officials pra PTI ke koishey.
India etu Predator long-endurance drones kina toh mainly taikhan la armed forces la surveillance saman nimite ase, especially China la border side khan te.
PTI report la hisap pra toh Indian Navy Khan 15 Sea Guardian drone variants pabo aro Indian Air Force (IAF) aro Indian Army duijun b 8 Sky Guardian drone pabo.
Deal toh Delhi te top defence aro strategic brass la samne te sign kurishey. Deal la under te maintenance, repair aro overhaul facility b shuru kuribo country te.
Vivek Lall, Chief Executive of General Atomics Global Corporation b thakishey etu signing ceremony time.
Add Comment