India: US para 1,000 Oxygen aro medical saman thishe

New Delhi: Saturday rathi USA flight para 1,000 oxygen cylinders, regulators aro dosura medical saman loikena India pongchise, koikena External Affairs para janaishe. “US logot mel-melab jai ase! USA para aro dosura flights ekta te 1000 oxygen cylinders, regulators & dosura medical saman ponchise. Tui(2) din pithor te tin(3) paar wala saman ahishe. US para motob kora nemite besi kusi ase,” koikena Ministry of External Affairs laga official spokesperson, Arindam Bagchi para janaishe. Friday din te US para aro tinta(3) set te COVID-19 bemar laga alag-alag emergency saman besi India pongchise. Etu hafta olop din akhe, President Joe Biden para koikena thaka te US para India logot bemari samai larai kora te motob koribo aro khobor loi thakibo koishe. US para aro India logot USD 100 million oper saman supplies thibo aro etu oper te 1,000 refillable oxygen cylinders, 15 million N95 masks, aro 1 million rapid diagnostic tests samil ase. Biden administration para tai khan nejor laga AstraZeneca tawai toh India logot supply koriboli koishe, etu melaikena India te COVID-19 vaccine toh 20 million doses oper hoboli koishe.