India-US: UN Security Council Agenda kotha koishe

Washington: October 30, 2020. India aro US pithor te besi thiri UN Security Council agenda nemite kotha korishe aro tai jun melikena democracy, pluralism aro rule-based international order nemite kam koribo, koikena Washington laga officials para janai thishe. Etu saal agae te, India, Mexico aro Ireland, tui(2) saal nemite non-permanent member te junishe aro etu January 1, 2021 para soru hobo. India aro US para tuita desh pithor te global issues kotha korishe aro aha saal United nation te ekta tangor organ hoboli koishe. Tuita side para be UN Security Council agenda aro development laga kotha koishe, etu khobor toh Washington te India Embassy para Thursday din statement te koishe. India UNSC te non-permanent member 2021-22 saal thaka samai tai jun democracy, pluralism aro international order te eke logot kam korboli koishe. India para United Nation te bhal notun kam aniboli koriase, etu oper te Security Council te be. UN Security Council te 15 members ase aro 5 permanent members toh- US, UK, Framce, Russia aro China khan ase. UNSC te China toh toh ekla permanent member ase ke, tai khan para tangor organ te India samil kora nemite. UNSC laga 10 non-permanent member pithor te atha toh hotai tui(2) saal thaka bechete notun members juni thaki. Wednesday aro Thursday, Tui(2) din kotha kora te India delegation toh Additional Secretary (International Organisation and Summits)  Ministry of External Affairs, Vinay Kumar para led korikena thakishe. Delegation pithor te Ministry of External Affairs laga senior officials, New York te India laga Permanent Mission aro Washington, DC te India laga Embassy khan thakishe koishe. US delegation toh Acting Assistant Secretary for State Department’s Bureau of International Organisation Affairs, Pamela D Pryor para led korishe aro dosura senior State Department officials khan be samil thakishe koishe.