Biel, 12 September : Tennis te, dui bar Olympian Sumit Nagal India laga team ke lead kuribo, Switzerland laga ninth-seeded team uporot Davis Cup 2025 World Group I laga tie te, Swiss Tennis Arena, Biel te, ajikali din te. India laga top singles tennis player, world number 290 te thaka Sumit Nagal, 401-ranked Aryan Shah aru 626-ranked Dhakshineswar Suresh logot squad te join kurise. N Sriram Balaji aru Rithvik Choudary Bollipalli hobo India laga doubles specialist, aru Rohit Rajpal hobo squad laga non-playing captain.
Switzerland laga line-up te ase world number 155 Jerome Kym, 222-ranked Marc Andrea Husler aru 244-ranked Dominic Stricker singles te, aru doubles te taikan laga strength hobo 78-ranked Jakub Paul aru Junior Australian Open champion Henry Bernet.
India aru Switzerland laga tie laga winner jabo 2026 Qualifiers 1st Round te, aru loser hobo 2026 World Group I play-offs te. India laga tennis team Davis Cup abhi tak jitipara nai, kintu tinbar runners-up hoise – 1966, 1974 aru 1987 te.
Add Comment