India women pora England ke Mumbai laga Wankhede Stadium te three-match ODI series laga tweibar wala match te saathta wickets pora harai dise aro 2-0 lead loise. Opening batter Smriti Mandhana pora tai laga khel bhal rakhikena tai laga 15th ODI half-century toh India nimite bonaise. Mandhana laga 63 runs aro captain Mithali Raj (47 not out) aro Punam Raut (32) laga modot pora, India toh aram proa 162 runs laga target ke 41.1 overs te hi ponchise. India pora opener Jemimah Rodrigues ke joldi haraise, hoilebi Mandhana aro Raut pora milaikena 73-run pora etiya laga world champions England logote khilaf India pora series te jitibole modot korise.
Anya Shrubsole pora England nimite tweita wickets korise aro aathta overs te khali 23 runs hi dise. Tai toh sobse economical bowler thakise. Georgia Elwiss pora ekta wicket korise.
Pohoila, England pora toss jitise aro pohoila bat koribole junise. Tai khan pora pohoila bat koribole fesla ke India pora galdi manai dise kile koile England besi joldi teenta wickets hoise aro tai khan laga runs toh 14 hi thakise. Natalie Sciver (12 fours aro ekta six) pora tweita partnerships bonaise, pohoila fourth wicket te 30-run Tamie Beaumont logote partnership thakise, aro etu bicchte panchta wala wicket te Lauren Winfield logote 49-run bonaise.
Pajiya aalag English batswomen toh double-digit mark punchibole pariya nai, tate England toh 43.3 overs te 161 runs bonai kena sob out hoi jaise. England nimite Sciver toh 85 runs loikena sobse besi score koriya thakise.
Veteran Indian fast bowler Jhulan Goswami aro Shikha Pandey tweijun pora jarta wickets korise. Shikha toh India laga sobse economical bowler thakise. Tai pora 10 overs te khali 18 runs dise. Goswami pora 8.3 overs te 30 runs dise. Left-arm spinner Poonam Yadav pora tweita wickets korise.
Add Comment