New Delhi, 29 June : India laga women’s cricket team Los Angeles 2028 Olympic Games karone qualify kora first teams majote ekta bani jai ase. Kintu men’s team karone, etu saal khotom hoa age ICC Men’s T20 rankings te Asia laga sob pora ucha-ranked side hisab te finish koribo lagibo, kutey direct qualification pai.
International Cricket Council (ICC) etiya confirm kori dise ki India, Australia, Great Britain aru South Africa logot women’s T20 competition karone Los Angeles 2028 Olympics te jagah secure kori dise.
Direct qualification places te continent pora khali ekta team ke allow korisey. Men’s event nisina nohoi, women’s competition te first four qualifiers decide koribole ICC rankings use nokore. itu bodole, etiya choli thaka Women’s T20 World Cup main qualification tournament hisab te use kora jai ase. Chari continents pora best-performing eligible teams khan Olympic berth pai.
Men’s qualification pathway alag ase. Charta direct Olympic berths ICC Men’s T20 International rankings pora diya jabo. Africa, Asia, Europe aru Oceania pora highest-ranked eligible National Olympic Committee (NOC) teams khan automatically qualify koribo.
Etu saal end laga rankings para charta continental representatives decide hobo. Etu karone India Asia laga sob pora ucha-ranked eligible side hisab te finish koribo lagibo, kitia Los Angeles karone direct ticket pai.
Cricket 128 saal pichete phir Olympic Games te ghuri ahibo Los Angeles 2028 te. Men’s aru women’s T20 events te choyta-choyta teams compete koribo.
