Chiang Mai, 2 July : AFC Women’s Asian Cup 2026 Qualifiers laga Group B te perfect run continue rakhibole aim kori thaka Indian senior women’s team, Wednesday din 14:30 IST te Iraq laga khilaf khelibo, juntu match Thailand te thaka 700th Anniversary of Chiang Mai Stadium te hobo.
Match tu Changsuek laga YouTube Channel aru Thai Women’s Football laga Facebook Page te live stream koribo.
India barti homoy te table top te ase, total 6 point aru +17 goal difference loi – Mongolia (13-0) aru Timor-Leste (4-0) uporte jeeti lua karone. Thailand bhi 6 point ase, kintu goal difference +11 ase. Iraq already tinta match kheli luse aru 4 point ase. Tai India ke harai naparle, tournament te tikibole chance nai.
Etiya India aru Thailand majote goal difference barai thaka competition suru hoise, kuntu karoney duita team July 5 final match din samna koribo. Kintu Blue Tigresses laga coach Crispin Chettri hosa kori dise ki, tinita point paai laga target sabse dangor ase aru pura focus ahia you bela Iraq match te ase.
Sunday din Timor-Leste uporte jeet paa pichete, Coach Chettri aru laga coaching staff stadium te thaki Iraq laga match bhi saise, juntu te Iraq host Thailand para 0-7 te haraise. Iraq – juntu world ranking te 173 number te ase – laga journey up-down ahe: first match te Timor-Leste uporte goal na pai, piche Mongolia ke 5-2 te harai international stage te laga patham jeet record korise.
Add Comment