New Delhi, December 6, 2025: Friday teh janei bole parisha ki. Bishi airport alak alak jaga teh. Delhi, Chennai, Bengaluru, Jammu and Kashmir enia jaga khan the 1000 flights nishina cancel hoisha. Manu bishi toh airport teh hei phasi kena buhei thakisha. Aro kumba khan toh protest kurei thakisha.
IndiGo laga CEO Pieter Elbers para ekta statement dei sha. Tateh laga statement teh tai manu khan ge maffi mange thakisha. Enia ekbar para flight cancel kurei karne aro kumba flights derei ho karne. Tai para aro koisha tai khan action lo ase sob thik kuri bole. Customer khan kun airport teh phasi ne ase. Tai khan ge khota kuribole aro tai khan ki lagei. Modok kuribole. Tai para koisha ki Saturday teh aro 1000 nishina flights toh aro cancel hobo. Aro tai khan parei tok December 10 aro 15 laga bitor teh sob flight thik kuri dibo.
Enia bishi flights cancel kurei toh. Centre para high-level probe order kurisha. Kile enia ho ase janei bole. Etu jamal ola toh nuton regulation karne ase koisha. Etu regulation teh pilot khan laga aram kurei time 12 hours para 48 hours kurei disha. Aro ekta hafta teh 2 rati landing khali kuribole paribo. Etu karne IndiGo khan olop bhal para planning nakurei karne. Enia jamala ola ase.
Enia flights khan cancel ho toh. Aro ekta jamal ola ase. Ticket khan laga dam uthisha. Mumbai para Delhi jabole ticket laga dam toh Rs. 51,860 ekta manu karne thakisha koisha. Aro Delhi para Mumbai jabole Rs. 48,972 thakisha. Etu khan toh Friday laga dam thakisha. Saturday teh dam toho lop komti hoisha. Delhi para Mumbai jawo le Rs 24,999 hoi jai sha.
Add Comment