Tlaxcala, 22 October : Indian archer Deepika Kumari laga medal collection te aru ekta add kuri dise, silver medal aru total sixth World Cup Final medal jiti kena. Archery World Cup Final te, tai final match te China laga Li Jiaman ke 0-6 haraise.
2010 Commonwealth Games champion Deepika Kumari quarterfinals aru semifinals te strong performance dikhai dise. Tai China laga Yang Xiaolei ke 6-0 thokai dise aru piche home turf te bronze medallist Alejandra Valencia ke 6-4 points te harai dise.
Alag side te, Li Jiaman itu archery premier international circuit laga finale te agey kosis te jitise. Itu competition te compound aru recurve laga category te har event pora top eight archers qualify kuri khelibo paye, kutey World Cup stages jitia nahiiley toh world ranking pora qualify hoi.
India laga five-member team, jun te tinjon compound aru duijun recurve archer ase, itu season-ending tournament te ekta medal loi campaign close kuri dise.
Add Comment