Indian Army Laga Contingent Khan India-Japan Joint Military Exercise-Dharma Guardian Nimitey Jaishey

February 22, 2025, 05:44 PM: Itu Indian Army laga contingent khan aji, 6^th edition laga India-Japan Joint Military Exercise DHARMA GUARDIAN nimitey jaishey. Itu exercise toh hoiley Japan laga East Fuji Maneuver Training area tey para conduct kuriboley asey, 24^th February para 9^th March 2025 tak. Exercise DHARMA GUARDIAN toh hoiley ekta hudai saal conduct kuria laga annual event asey, India aru Japan laga. Itu same exercise laga last edition toh hoiley Rajasthan tey para conduct kuria laga thakishey, February-March 2024 tey.

Itu Indian contingent tey toh 120 personnel khan asey, kun khan toh hoiley main toh MADRAS Regiment laga battalion laga troop khan para represent kuriboley asey, itu alag arms aru services khan laga troop khan logotey.

Itu Japan Ground Self Defence Force (JGSDF) contingent para bhi eneka same number thakiboley asey, tai khan laga 34^th Infantry Regiment para represent kuriboley asey.

Itu exercise laga aim toh hoiley interoperability enhance kuriboley karney asey itu duita forces khan majetey, joint urban warfare aru counter-terrorism operation khan undertake kuria homoi tey, UN mandate under tey. Itu exercise toh hoiley high degree laga physical fitness, joint planning aru joint tactical drill khan opor tey focus kuriboley asey, 

Itu momentum opor tey build kuri kena, Army Staff laga Chief para successful para Japan tey visit kurishey, 14^th para 17^th October, 2024 tey, Exercise DHARMA GUARDIAN toh hoiley aru bhi itu bilateral defence cooperation majbut kuriboley asey, India aru Japan majetey.

Itu exercise toh hoiley itu share kuria laga commitment underscore kurey, India aru Japan laga, regional security, peace aru stability phaney.