New Delhi: Friday Indira Gandhi Indoor Stadium te khiliya Big Bout Indian Boxing League te Bengaluru Brawlers pora 4-3 te Punjab Panthers ke harai dise. Anamika (51kg) aro skipper Simranjit Kaur (60kg) duijun pora Bengaluru Brawlers khan karne women’s bouts te chiti kena phal pora suru kurise.
Bengaluru, khan ektam table laga niche te dhakiya toh, jarta match bura chiti kena odhi ase.
Olap ake te khiliya match te 12 points logot te, Punjab Panthers khan pora tai khan laga penultimate league match te jarta Big Bout pohili bar chunise.
Tai khan pora skipper MC Mary Kom, Uzbek star Abdulmalik Khalakov aro Manoj Kumar khan laga hat te Bengaluru Brawlers laga khilaaf rakhi dise.
World Youth Championships silver medallist, Anamika, women’s 51kg bout te legendary MC Mary Kom logot te log kuribole na ola maiki, pora Darshana Doot ke harai di kena bishi bhag moka bonai dise.
Anamika pora tai laga hat te dhakiya sobse phal technical skills jolai kena left-handed Darshana ke harai dise.
Tai pora Darshana ke force kuribole karne tai laga speed aro attack jolaise, 2016 laga National Youth Championship 54kg gold medal winner, ke suru howa round te pora hi kerai dise.
Punjab Panthers boxer pora second round te olap wapas larai kuribole paile bhi, Anamika laga defence te gap dekhi kena, Bengaluru Brawler pora thik moka loi kena ektam aram pora chitise.
Punjab Panthers’ PL Prasad pora tai khan laga team khan ke 1-1 draw pora level kuridibole modot kuribole karne Ashish Insah laga khilaaf te sob milai kena baa point ke mon tangor dhakise.
Panthers khan laga pass te jarta match te 15 points pora Gujarat Giants (17 points jarta match) khan laga biche te ase.
Odisha Warriors (13 points jarta matches) pora NE Rhinos aro Bombay Bullets(11 points) khan laga ake te ase, hoile bhi duijun pora teenta match khili kena ase aro semi final te khilibole ase.
Bengaluru Brawlers, 10 matches te pora total 10 points logot te, tai khan Gujarat khan laga khilaaf te final match chitibole lagibo.
Add Comment