Agencies, 05 April: Indian Comedian celebrity Kapil Sharma aro tai laga maike (wife) Ginni Chatrath para tai khan laga chokara (son) ke February 1 te jonom kora thakise. Kapil laga bacha jonom powa shaat tai laga fans khan bacha laga naam janibole ektum rokhi thakise. Kapil laga fans, followers aro well-wishers khan nemite ektum kushi toh ponjishe kelay koile bacha laga naam toh Twitter account te janaideya nemite.
Kapil para Neeti Mohan laga tweet te jawab deya te koise, tai khan para tai ke Trishaan naam korise koise. Kapil para April 2 tai laga birthday nama thakise aro wish kora khan ke dhanyabad janaideya thakise.
Poila Kapil para tai laga moda bacha laga Naamkaran kora nai koikena janaideya thakise.
Kapil aro tai laga maike Ginni Chatrath para December 2018 te Hindu aro Sikh traditions hisab te shaadi kora thakise aro moda chokara ke February te welcome kora thakise. Comedian-actor para kushi khobor Twitter te janai kena ama aro bacha toh healthy ase koise. Kapal para be tai laga fans ke morom aro ashirbad nemite dhanyabad janaishe.
Add Comment