Indian COVID bemari toh 17 Countries te paishe

Geneve: Tuesday din te World Health Organization para janaishe ke, India te coronavirus bemari cases othi-thaka laga hawa/bemari toh countries besi te ponchishe. UN health agency para koishe ke, B.1.617 variant Covid-19 India te 1^st thura toh Tuesday din te 1,200 oper jaga neshina te khobor paikena ase. Etu khobor toh 17 countries neshina laga GISAID open-access database te uploaded hoikena ase koishe. “besi bakh toh India, United Kingdom, USA aro Singapore para upload kora ase” koikena WHO para tai khan laga epidemiological update te junaishe. WHO para olop din akhe te B.1.617 toh listed te thalikena ase. Etu hesab te virus laga original version logot toh besi wala katara ase, etu para joldi spread hobo, moribo aro vaccine kam be kamyaab nahobo. Etu bemari para itya India te notun cases othi-thaka nemite besi dukh te ase aro itya etu bemar toh beya wala jaboli phui te ase. Tuesday din ekla te India laga notun cases toh 350,000 cases paishe, etu nemite duniyaa pura laga cases toh 147.7 million te othishe aro virus bemar para duniyaa pura te 3.1 million oper manuh morikena ase. WHO para aro koishe ke, GISAID te preliminary modelling based submitted kora hesab te B.1.617 toh India te virus thaka logot be higher growth rate oper wala ase koishe. Etu hesab te dosura virus eke logot jai thaka toh aro othiboli neshina ase aro etu melaikena desh pura te cases toh besi wala jai thakibo koishe. “etu nemite, studies kora hesab te 1^st wave logot be 2^nd wave spread kora toh jolti wala ase,” koikena WHO para janaishe.