India, 17 October : Hockey India League Player Auction 2024/25 laga mahila laga competition laga auction 15th October 2024 te New Delhi te shuru kuri loise. Charta franchises milaikena majbut squad banai loise, aru inaugural season Ranchi te itu saal te hobo.
Udita ke Shrachi Rarh Bengal Tigers 32 lakh te loi, aru tai auction te sob se mahanga buy thakishey. Dutch star Yibbi Jansen overseas te sob se damdaar khiladi thaikena Odisha Warriors 29 lakh te loi loise.
Indian promising jawaan khiladi Lalremsiami (25 lakh Shrachi Rarh Bengal Tigers ke), Sunelita Toppo (24 lakh Delhi SG Pipers ke), aru Sangita Kumari (22 lakh Delhi SG Pipers ke) franchises pora dangor attention pai loise.
India laga current mahila laga Hockey core group khiladi te pora, Salima Tete aru Savita ke 20 lakh te Soorma Hockey Club loi loise, aru Navneet Kaur ke Delhi SG Pipers 19 lakh te acquire kurise.
Dusra overseas khiladi te pora, Belgium laga Charlotte Englebert (16 lakh Soorma Hockey Club ke), Germany laga Charlotte Stapenhorst (16 lakh Soorma Hockey Club ke), aru Australia laga Jocelyn Bartram (15 lakh Odisha Warriors ke) notable buys te thaikise.
Auction time te unsold khiladi juntu Indian Senior mahila laga aru Junior mahila laga team laga ase, tai khan laga base price 2 lakh te komti kuribo request approve kura piche, khiladi khan juntu Madhuri Kindo (3.40 lakh Odisha Warriors ke), Jyoti Chhatri (5 lakh Odisha Warriors ke), Deepika Soreng (2.20 lakh Soorma Hockey Club ke), aru Rutuja Dadaso Pisal (4.90 lakh Odisha Warriors ke) jagah pai loise inaugural mahila laga HIL edition te.
Add Comment