New Delhi, May 27 : Indian film ‘All We Imagine As Light’ tu 77th annual Cannes Film Festival te Grand Prix award jitisey. Grand Prix award tu film festival laga Palme d’Or picheyte second sobsey dangor prize asey. Etu award paikina, Payal Kapadia para direct kora etu film tu Cannes te Grand Prix award jitiya first Indian film asey. Etu film te Kani Kusruti, Divya Prabha, Chhaya Kadam aro Hridhu Haroon lead role te asey.
‘All We Imagine as Light’ film tu 2024 Cannes Film Festival te etu festival laga bisi dangor aro mashoor ‘competition section’ te May 23 te premier hoisey. Etu tu 30 years te Cannes Film Festival laga main segment te feature huwa first Indian film asey. Competition section tak pungchibole pariya akhri Indian movie tu Shaji N Karun laga ‘Swaham’ thakisey aro etu tu 1994 te thakisey.
Etu film ke Payal Kapadia para hey likhisey. Etu film tu Kerala laga duita nurse- Prabha(Kani Kusruti) aro Anu(Divyaprabha) laga zindigi laga asey. Taikhan duijun tu Mumbai hospital te eksath kaam kuri thakisey aro ekta room te hey buhi thakisey.
Jitya Prabha para tailaga chara-chari hoikina thaka mota para gift paisey tailaga regular zindigi te badha ahisey. Mumbai nisna dangor seher te Prabha logotey ekey logo boha chukri, Anu kun tai para chutu asey, tai tu tailaga boyfriend logotey intimate hobole jaga bisaribole diktar pai thakisey.
Jitya taikhan ekta samundar laga kina rte thaka town te trip jaisy taikhan laga jibon tu bodli hoijaisey.
Etu film tu Cannes te Payal Kapadia laga khata film ‘Afternoon Clouds’ 2017 te Cinefoundation section te feature huwa picheyte aro 2021 te ‘A Night of Knowing Nothing’ para Oeil d’Or (Golden Eye) award jita picheyte Cannes te tailaga third time asey.
Add Comment