July 16, 2023: Indian football team tho aro 2nd time karne Asian games tho miss kuribo para, kile koile taikan Sport’s Ministry laka neom tho napun jae. Etu criteria deh taikan atleast continent laka pitor deh top 8 deh tho takibo lake hoile b Indian laka Football team etu criteria napun chae.
All India Football Federation (AIFF) para agae deh national senior team laka head coach Igor Stimac tho Under 23 side lobo kuishae September 23 to October 8 laka Asian Games karne.
Etu letter kuto Indian Olympic Association (I0A) aro sob National Sports Federation (NSF) kan keh Sports Ministry para dia tho, etu letter deh team events kan karne tho country kan at least 8th rank deh takibo lake sob participating Asian countries laka pitor deh. Itia tho taikan Asian Football Confederation deh 18th spot deh ase kuto asia laka top 8 rank karne tho osor b nahoi.
AIFF para tho taikan Sports Ministry keh ekbar appeal kuri bo kui shae etu decision karne. “Etu decision government para luishae etu karne mukan respect kuribo lake hoile b mukan football laka concern karne ekbar Sports Ministry keh appeal kuri bole koshish kuribo”, AIFF General Secretary Shaji Prabhakaram para kui shae.
Add Comment