Indian footballer Manisha Kalyan toh Peruvian club Alianza Lima te join kure she

January 18, 2026: Indian maiki team laga midfielder Manisha Kalyan ke sign kure she Peruvian club Alianza Lima te, team khan laga hamla te bhal kure bole karne ase koi she. Manisha toh 2020-21 te tai ke Emerging Player of the year award de she, aro 2022-23 te tai ke Player of the Year awrd be de she, tai aro first Indian maiki ase kun UEFA Women Champions League te khele she. Etu tai laga third bahar club hobo, tai poila te be PAOK FC kunto Greece laga ase, tai tate be khele she. Aro Apollon Ladies FC karne be khele she, kunto Peru laga ase. 24 sal maiki Sethu FC aro Gokulam Kerala karne be khele she, India te. Four time Peruvian Champion club para ekta statement te koi she ki, Alianza Lima maiki team khan Manisha Kalyan ke sign kure she, Indian midfielder kun tai khan laga hamla toh kara kure de bo. Tai toh POAK FC para ahe she, kute tai European laga opor level khan te khele she. Manisha para koi she, ki tai beshe kushi ase aro tai tai laga sob se bhal para khlele bo koishe. All Inida Football Federation (AIFF) khan para X te Manisha ke congratulate kure she, Club Alianza Lima logo te sing kurea toh. Aro tai ke best of luck wish kure she, South America te nutun challenge shuru kure bole.