Uzbekistan, 12 September : Indian Grandmaster Nihal Sarin Iran laga Parham Maghsoodloo uporte ekta dangor jeeti loi FIDE Grand Swiss te Samarkand, Uzbekistan te lead share kori loise. Taike Germany laga GM Matthias Bluebaum join kori ase, jun Arjun Erigaisi ke harai dise. Duita player loge 5.5 points rakhishe.
Itu majot, World champion D Gukesh tisra bar consecutive game haarise, 16 saal laga Turkish Grandmaster Ediz Gurel logot seventh round te. USA laga Abhimanyu Mishra aru Greece laga Nikolas Theodorou logot defeat khan pichete, rest day bhi taike help korianai. Endgame te ekta bura move kori kene tai laga losing streak barai dise. Aji tak Gukesh 7 game te tinita points hi rakhishe aru competition te thaki bole bachi thaka nimite sob match jeeti bole dorkar ase.
Add Comment