Muscat, Oman, 27 November : Indian men’s hockey team Junior Asia Cup 2024 campaign shuru koribo nimite ek din bhi nai bacha, aru first match Thailand khilaf hobo. Itu continental tournament aji shuru hoise aru December 4, 2024 tak cholibo. India ke Pool A te rakha ase, Korea, Japan, Chinese Taipei, aru Thailand logot.
Itu event te 10 teams participate koriboley ase, aru baki teams khan Pool B te ase – Pakistan, Malaysia, Bangladesh, Oman, aru China. India itu tournament record char bar jitise, juntu 2023, 2015, 2008, aru 2004 te ase. Jaa saal final te, India Pakistan ke 2-1 pora harai championship uthaise. Amir Ali aru Rohit, juntu pichla competition te khela thakise, etiya captain aru vice-captain hisab te team lead koribo.
Thailand khilaf first match November 28 te hobo, aru November 30 din Japan logot match rakha ase. Chinese Taipei khilaf November 30 te clash thakibo, aru group stage laga last match Korea khilaf December 1 din schedule ase. Semi-final te jabole India ke group stage te top-two finish confirm koribo lagibo, aru semi-final December 3 din rakha hoise.
Sultan of Johor Cup 2024 te third-place finish kora piche, Indian team head coach PR Sreejesh laga leadership te Oman te ekta strong performance dibole kosis koribo.
Add Comment