Agencies, 17 December: Thursday te Defence Acquisition Council (DAC) para Rs 27,000 crore laga military saman khan toh Indian industry para lobole nemite proposals clear korise. Etu te nejor (India) para bona airborne early warning aircraft aro patrol vessels be melikena ase.
DAC laga meeting te defence minister Rajnath Singh para head korikena lowa te etu proposal toh clear korise aro officials para etu toh “Make in India” aro “Atmanirbhar Bharat” initiatives nemite ekta dangor boost hobole ase koise.
Defence ministry para statement hisaab te, lobole proposals te, Defence Research and Development Organisation (DRDO) para designed kora aro bona airborne early warning and control (AEW&C) aircraft toh Indian Air Force nemite ase, next generation offshore patrol vessels toh Indian Navy nemite aro modular bridges toh Indian Army nemite ase.
Statement te agae khobor najai kena koise, DAC para seven capital acquisition proposals nemite mana toh army, navy aro air force para lakiya besi hatiyar, equipment aro systems nemite ase aro etu toh sob milaikena Rs 28,000 crore daam te ase. Etu lobole laga choita toh Rs 27,000 crore daam te ase aro etu toh Indian industry para lobo.
Etu toh Defence Acquisition Procedure 2020 laga notun regime pithor te DAC laga first meeting thakise aro etu toh “acceptance of necessity (AoNs)” accorded laga first set thakise koise.
Add Comment