Indian Javelin Thrower Neeraj Chopra Diamond League Final te compete kuribo

Zurich, 26 August : Star Indian javelin thrower Neeraj Chopra etia Zurich te Thursday din hobo laga Diamond League Final te compete koribo. Tai laga dangor opponent khan ase – Grenada laga Anderson Peters aru Germany laga Julian Weber. Chopra, kun 2022 Diamond League champion aru dui-baar Olympic medallist bhi ase, 2023 aru 2024 duita saal te second finish kori thakise. Etiya sal Diamond League final te qualify koribo karone tai duita qualifying event te participate korise – Doha te second place loi, season-best 90.23m throw korise aru Paris te 88.16m throw loi win korise, aru overall fourth place te qualify korise. 27 saal laga Neeraj Chopra etiya season te six events kheli loise, juntu majote charita event jeeti loise. Tai laga last competition hoise Neeraj Chopra Classic, Bengaluru te July 5 din, juntu te tai 86.18m throw loi win korise. Final te aru participant khan ase – Andrian Mardare, Anderson Peters, Keshorn Walcott, Julian Weber, Julius Yego aru Swiss entry Simon Wieland. Diamond League ekta elite one-day athletics series ase. Diamond League Final winner-takes-all competition hoi, juntu te 32 events laga champions declare kora jai. Winner khan World Championships, Tokyo (next mahina 13 te 21 din) karone wild card bhi pai, juntu te Neeraj Chopra tai laga world title defend koribo.