Bengaluru, 19 June : Indian Junior Men’s Hockey team Wednesday te Berlin, Germany te jaise, June 21 pora 25 tak hobo laga upcoming 4 Nations Tournament te participate koribo karone.
Captain Araijeet Singh Hundal laga leadership te, team laga first pool stage match host Germany logot hobo June 21 te, itu pichete Australia logot June 22 te aru Spain logot June 24 te match hobo. Pool stage te top duita team final te top position karone khelibo, aru bottom duita team 3rd aru 4th ranking karone June 25 te match khelibo. Sob match TC 1899 Blau Weiß, Berlin te hobo.
FIH Junior Men’s Hockey World Cup 2025 itu saal November 28 pora December 10 tak India laga Chennai aru Madurai te hobo. Global level laga itu dangor hockey tournament suru hobo laga age thik six mahina bachi ase, tai karone 4 Nations Tournament ekta important preparation platform hobo Indian junior team karone.
Ajitak India FIH Junior Men’s Hockey World Cup te total 14 edition te duita gold aru ekta silver medal jiti ase. Desh laga prothom medal 1997 te England laga Milton Keynes te paise, juntu te India final te Australia logot 3-2 te hari jaise aru silver medal loise. Itu piche te, 2001 te Hobart, Australia te India first time Junior World Cup jiti loise. Last duita edition — 2021 aru 2023 te — India 4th position te finish kori se.
Add Comment